முழங்காவில் பொலிஸ் பிரிவுக்குட்பட்ட பதுக்கி வைக்கப்பட்டிருந்த 3 ஆயிரத்து 600 லீற்றர் மண்ணெண்ணெய் கைப்பற்றப்பட்டுள்ளது என்று முழங்காவில் பொலிஸார் தெரிவித்தனர். இந்தச் சம்பவம் தொடர்பில் ஒருவர் கைது செய்யப்பட்டுள்ளார்.
முழங்காவில் பொலிஸாருக்குக் கிடைத்த தகவலின் அடிப்படையில், முழங்காவில் பொலிஸ் பிரிவுக்குட்பட்ட நாச்சிக்குடாவில் மண்ணெண்ணெய் கைப்பற்றப்பட்டுள்ளது.
அதை விற்பனைக்காகப் பதுக்கி வைத்திருந்த குற்றச்சாட்டில் ஒருவர் கைது செய்யப்பட்டுள்ளார்.
கைது செய்யப்பட்டவர் இன்று நீதிமன்றில் முற்படுத்தப்படுவார் என்று பொலிஸார் தெரிவித்தனர்.
Discussion about this post