எரிபொருளுக்காக வரிசையில் நின்ற முதியவர் மயங்கி வீழ்ந்து சாவு – யாழ்ப்பாணத்தில் சம்பவம்!

யாழ்ப்பாணத்தில் பெற்றோலுக்காக வரிசையில் நின்ற முதியவர் ஒருவர் மயங்கி வீழ்ந்து உயிரிழந்துள்ளார்.

இந்தச் சம்பவம் நேற்றுத் திங்கட்கிழமை மாலை நடந்துள்ளது.

சாவகச்சேரி, நுணாவிலில் உள்ள ஐ.ஓ.சி. எரிபொருள் நிரப்பு நிலையத்தில் வரிசையில் காத்திருந்த முதியவர் ஒருவரே இவ்வாறு உயிரிழந்துள்ளார்.

உயிரிழந்தவரின் உடல் சாவகச்சேரி வைத்தியசாலையில் வைக்கப்பட்டுள்ளது. இந்தச் சம்பவம் தொடர்பான விசாரணைகளைப் பொலிஸார் முன்னெடுத்துள்ளனர்.