18 நாள்களில் 16 லட்சம் லீற்றர் பெற்றோலைத் தீர்த்த யாழ். மக்கள்! – அதிர்ச்சித் தகவல்!!

யாழ்ப்பாணம் மாவட்டத்தில் கடந்த 2 ஆம் திகதி முதல் 20 ஆம் திகதி வரையான காலப்பகுதியில் 16 லட்சத்து 10 ஆயிரத்து 400 லீற்றர் ஒக்டேன் 92 ரகப் பெற்றோல் விநியோகிக்கப்பட்டுள்ளது.

நேற்று நடத்திய ஊடக சந்திப்பில் யாழ்ப்பாணம் மாவட்டச் செயலர் க.மகேசன் இந்தத் தகவலைத் தெரிவித்தார்.

இந்தக் காலப்பகுதியில் 8 லட்சத்து 81 ஆயிரத்து 100 லீற்றர் டீசலும், 4 லட்சத்து 48 ஆயிரத்து 800 லீற்றர் மண்ணெண்ணெய்யும், ஒரு லட்சத்து 25 ஆயிரத்து 400 லீற்றர் சுப்பர் டீசலும் விநியோகிக்கப்பட்டுள்ளன. ஒக்டேன் 95 ரகப் பெற்றோல் இந்தக் காலப் பகுதியில் விநியோகிக்கப்படவில்லை.

கடந்த 14 ஆம் திகதி பெற்றோல் அதிகபட்சமான ஒரே நாளில் 2 லட்சத்து 11 ஆயிரத்து 200 லீற்றர் விநியோகிக்கப்பட்டுள்ளது. கடந்த 20ஆம் திகதி ஒரு லட்சத்து 65 லீற்றர் பெற்றோல் விநியோகிக்கப்பட்டுள்ளது என்று யாழ்ப்பாணம் மாவட்டச் செயலர் தெரிவித்தார்.