போதைப் பொருளை உடமையில் வைத்திருந்த குற்றச்சாட்டில் யாழ்ப்பாணம், பொம்மைவெளியில் சகோதரனும், சகோதரியும் கைது செய்யப்பட்டுள்ளனர் என்று பொலிஸ் போதைப்பொருள் பிரிவினரால் கைது செய்யப்பட்டுள்ளனர்.

அராலி வீதியில் இருவர் மோட்டார் சைக்கிளில் ஹெரோயின் போதைப் பொருளுடன் பயணிக்கின்றனர் என்று பொலிஸ் போதைப் பொருள் பிரிவினருக்குக் கிடைத்த தகவலை அடுத்து, பொலிஸார் அந்தப் பகுதியில் விசேட சோதனை நடவடிக்கைகளை மேற்கொண்டனர்.

வீதியில் மோட்டார் சைக்கிளில் பயணித்த 21 வயது இளைஞன் ஒருவரைச் சோதனையிட்டபோது, அவரிடம் இருந்து 5 கிராம் 470 மில்லிகிராம் ஹெரோயின் கைப்பற்றப்பட்டது. அதே மோட்டார் சைக்கிளில் பயணித்த 19 வயதான யுவதியிடம் இருந்தும் 189 கிராம் 500 ஹெரோயின் கைப்பற்றப்பட்டுள்ளது.

யாழ்ப்பாணம் பொலிஸ் நிலையத்தில் பாரப்படுத்தப்பட்ட இருவரும் விசாரணைக்கு உட்படுத்தப்பட்டபோது, அவர்கள் இருவரும் சகோதரர்கள் என்று தெரியவந்துள்ளது.