வட்டுக்கோட்டை பொலிஸ் பிரிவுக்குட்பட்ட சுழிபுரம், பறாளாய் வீதியில் உள்ள வீடொன்றில் நள்ளிரவு வாளுடன் புகுந்த இருவர் வீட்டில் இருந்தவர்களை அச்சுறுத்தி நகைகளைக் கொள்ளையடித்துள்ளனர்.
இந்தச் சம்பவம் தொடர்பாக வட்டுக்கோட்டைப் பொலிஸ் நிலையத்தில் முறைப்பாடு செய்யப்பட்டுள்ளது.
நள்ளிரவு வாளுடன் வீட்டுக்குள் புகுந்த இருவர், வீட்டில் இருந்தவர்கள் வாள்முனையில் அச்சுறுத்தி ஒரு பவுண் சங்கிலி, அரைப்பவுண் தோடு, அரைப்பவுண் மோதிரம் மற்றும் 25 ஆயிரம் ரூபா பணம் என்பவற்றைக் கொள்ளையிட்டுச் சென்றனர் என்று தெரிவிக்கப்படுகின்றது.
முறைப்பாட்டுக்கு அமைய சம்பவ இடத்துக்குச் சென்று வட்டுக்கோட்டைப் பொலிஸார் விசாரணைகளை முன்னெடுத்துள்ளனர்.
Discussion about this post