வவுனியா, மாமடுவில் மின்னல் தாக்கத்துக்கு இலக்கான பெண் ஒருவர் உயிரிழந்துள்ளார். இந்தச் சம்பவம் நேற்று மாலை நடந்துள்ளது.
அட்டமஸ்கடவையைச் சேர்ந்த சந்திரலதா (வயது-49) என்ற பெண்ணே உயிரிழந்துள்ளார். வீட்டுக்கு அருகில் உள்ள குளத்த்தில் தாமரை இலை பறிக்கச் சென்றபோதே பெண் மின்னல் தாக்கத்துக்கு இலக்காகியுள்ளார்.
அந்தப் பகுதியில் பெண் உயிரிழந்த நிலையில் காணப்பட்டதை அவதானித்தவர்கள், அது தொடர்பில் பொலிஸாருக்குத் தகவல் தெரிவித்துள்ளனர்.
சம்பவ இடத்துக்குச் சென்ற பொலிஸார் விசாரணைகளை மேற்கொண்டதுடன், சடலத்தை மீட்டு வவுனியா பொது மருத்துவமனையில் ஒப்படைத்துள்ளனர்.
Discussion about this post