யாழ். நகரப் பகுதியில் இளைஞரின் சடலம்! – பொலிஸார் தீவிர விசாரணை!

யாழ்ப்பாணம் ஆஸ்பத்திரி வீதியில் உள்ள கட்டிடம் ஒன்றிலிருந்து ஆண் ஒருவரின் சடலம் மீட்கப்பட்டுள்ளது.

யாழ்ப்பாணம் திருநெல்வேலி பகுதியைச் சேர்ந்த அன்னலிங்கம் கரிசாந்தன் என்ற 35 வயது இளைஞரின் சடலமே மீட்கப்பட்டுள்ளது.

இவர் கட்டடத்தின் மூன்றாம் மாடியில் இருந்து வீழ்ந்திருக்கலாம் என்று நம்பப்படுகின்றது. இது கொலைச் சம்பவமா என்ற ரீதியிலும் தீவிர விசாரணைகள் முன்னெடுக்கப்படுகின்றன என்று யாழ்ப்பாணம் பொலிஸார் தெரிவித்தனர்.

நேற்று இரவு 10 பேர் கொண்ட குழு அந்தக் கட்டிடத்தில் மது விருந்தில் ஈடுபட்டுள்ளனர். இளைஞரின் உயிரிழப்பு அதிகாலை 1.30 மணியளவில் நடந்திருக்கலாம் என்று ஊகிக்கப்படுகின்றது.

மது விருந்தில் கலந்து கொண்ட 10 பேரும் கைது செய்யப்பட்டுள்ளனர் என்று யாழ்ப்பாணம் பொலிஸார் தெரிவித்தனர். இந்தச் சம்பவம் தொடர்பான மேலதிக விசாரணைகள் பொலிஸாரால் மேற்காள்ளப்படுகின்றன.