யாழ்ப்பாணம், நாவற்குழியில் இன்று பட்டப்பகலில் வீடு புகுந்து வீட்டிலிருந்தவர்களைத் தாக்கிப் பணம், பொருள்கள் கொள்ளையிடப்பட்டுள்ளன. வீட்டில் இருந்த தாயும் மகனும் படுகாயமடைந்த நிலையில் மருத்துவமனையில் சேர்க்கப்பட்டுள்ளனர்.
நாவற்குழி மேற்கு, சித்தி விநாயகர் கோவிலடி பகுதியில் உள்ள வீடொன்றுக்குள் புகுந்த கொள்ளையர்கள், வீட்டிலிருந்த தாயையும், மகனையும் கொடூரமாக தாக்கியுள்ளனர்.
வீட்டிலிருந்த பணம் மற்றும் பொருள்களைக் கொள்ளையிட்ட கொள்ளையர்கள் அங்கிருந்து தப்பிச் சென்றுள்ளனர்.
கொள்ளையர்களின் தாக்குதலில் 17 வயதான மகனின் கை முறிந்துள்ளது. 42 வயதான தாயின் தலையில் காயம் ஏற்பட்டுள்ளது.
காயமடைந்த தாயும் மகனும், சாவகச்சேரி ஆதார வைத்தியசாலையில் சேர்க்கப்பட்டு மேலதிக சிகிச்சைக்காக யாழ். போதனா வைத்தியசாலைக்கு மாற்றப்பட்டுள்ளனர்.
Discussion about this post