போதையில் தந்தை அட்டகாசம்!! – அச்சுவேலி பொலிஸிடம் தஞ்சமடைந்த 12 வயதுச் சிறுமி!!

மது போதையில் வீட்டில் தந்தை தினமும் தகராறில் ஈடுபடுகின்றார் என்றும் வீட்டில் நிம்மதியாக இருக்க முடியவில்லை என்று தெரிவித்து 12 வயதுச் சிறுமி ஒருவர் அச்சுவேலிப் பொலிஸ் நிலையத்தில் நேற்றுத் தஞ்சமடைந்துள்ளார். அந்தச் சிறுமியைப் பொலிஸார் கோப்பாய் பிரதேச செயலக நன்னடத்தைப் பிரிவினரிடம் ஒப்படைத்துள்ளனர்.

தரம் 7இல் கற்கும் 12 வயதுச் சிறுமியே பொலிஸாரிடம் தஞ்சமடைந்துள்ளார். மதுபோதையில் வரும் தந்தை தினமும் தாயுடன் சண்டை பிடிக்கிறார் என்றும், தன்னுடன் வாக்குவாதத்தில் ஈடுபடுகின்றார் என்றும் பொலிஸாரிடம் தெரிவித்துள்ள சிறுமி, அதனால் தன்னால் வீட்டில் நிம்மதியாக இருக்க முடியவில்லை என்றும் கூறியுள்ளார்.

சிறுமி வீட்டின் மூத்த பிள்ளை என்றும், இவரரை விட இன்னும் இரு பிள்ளைகள் உள்ளனர் என்றும் பொலிஸார் தெரிவித்தனர். மேலதிக நடவடிக்கைக்காக சிறுமியை பொலிஸார் கோப்பாய் பிரதேச செயலக நன்னடத்தைப் பிரிவினரிடம் ஒப்படைத்துள்ளனர்.