புறா வளர்ப்பில் ஏற்பட்ட போட்டியால், யாழ்ப்பாணத்தில் 50க்கும் மேற்பட்ட புறாக்கள் தீயிட்டு எரிக்கப்பட்ட கொடூரச் சம்பவம் நேற்று நடந்துள்ளது.
யாழ்ப்பாணம், கொட்டடிப் பகுதியில், வீட்டிலிருந்தவர்கள் வெளியே சென்றிருந்தபோது, புறாக் கூண்டுக்குள் பெற்றோல் ஊற்றப்பட்டு புறாக்கள் தீயிட்டு எரிக்கப்பட்டுள்ளன.
அயலவர்கள் சம்பவத்தை அறிந்து தீயைக் கட்டுப்பாட்டுக்குள் கொண்டு வந்தபோதும் 40க்கும் மேற்பட்ட புறாக்கள் தீயில் எரிந்து உயிரிழந்துள்ளன.
இந்தச் சம்பவம் தொடர்பாக யாழ்ப்பாணம் பொலிஸ் நிலையத்தில் முறையிடச் சென்றபோது, பறவைகள் வளர்ப்பதற்கான அனுமதி இன்மை காரணமாக முறைப்பாடு பதிவு செய்ய முடியாது என்று பொலிஸார் தெரிவித்தனர் என்று பாதிக்கப்பட்டவர்கள் தெரிவித்தனர்.
Discussion about this post