கம்பஹா – தங்கோவிட்ட பிரதேசத்தில் இடம்பெற்ற துப்பாக்கிச் சூட்டு சம்பவத்தில் 29 வயதுடைய பெண் ஒருவர் உயிரிழந்துள்ளார் என்று பொலிஸார் தெரிவித்தனர்.
தங்கோவிட்ட பிரதேசத்தில் உள்ள மதுபானசாலைக்கு நேற்று இரவு மகிழுந்தொன்றில் பிரவேசித்த சிலர், அங்கு கொள்ளையிட்டு தப்பியோட முயன்றுள்ளனர்.
இது தொடர்பில் கிடைத்த தகவலின் பிரகாரம் தங்கொவிட்ட பொலிஸ் உத்தியோகத்தர்கள் குழுவொன்று அந்த இடததுக்குச் சென்றது என்று தெரிவிக்கப்படுகின்றது.
அப்போது கொள்ளையர்களுக்கும், பொலிஸாருக்கும் இடையே பரஸ்பர துப்பாக்கிச்சூடு நடந்துள்ளது. கலென்பிந்துனுவெவயிலிருந்து கொழும்பு நோக்கிப் பயணித்த பஸ் ஒன்றின் மீதும், பொலிஸார் தற்செயலாக துப்பாக்கிப் பிரயோகம் மேற்கொண்டுள்ளனர்.
அதில் பஸ்ஸின் பின் ஆசனத்தில் இருந்த பெண் ஒருவர் படுகாயமடைந்துள்ளார். அவர் வத்துபிட்டிவல வைத்தியசாலையில் சேர்க்கப்பட்ட பின்னர் உயிரிழந்துள்ளார் என்று பொலிஸ் ஊடகப் பேச்சாளர் தெரிவித்தார்.
Discussion about this post