முல்லைத்தீவு, புதுமாத்தளனைச் சேர்ந்த இரு மாணவிகளைக் காணவில்லை என்று முல்லைத்தீவுப் பொலிஸ் நிலையத்தில் முறைப்பாடு செய்யப்பட்டுள்ளது.
14 மற்றும் 15 வயதுடைய இரு மாணவிகளையே காணவில்லை என்று அவர்களது பெற்றோர் முறைப்பாடு செய்துள்ளனர்.
நேற்றுமுன்தினம் அம்பலவன்பொக்கணையில் உள்ள மாலை வகுப்புக்குச் சென்ற இவர்கள் பின்னர் வீடு திரும்பவில்லை.
பெற்றோர் தேடியதில் அவர்கள் மாலை நேர வகுப்பில் கலந்துகொள்ளவில்லை என்று தெரியவந்துள்ளது என முறைப்பாட்டில் தெரிவிக்கப்பட்டுள்ளது.
முறைப்பாட்டுக்கு அமைய முல்லைத்தீவுப் பொலிஸார் விசாரணைகளை ஆரம்பித்துள்ளனர்.
Discussion about this post