தமிழகத்துக்கு தொடர்ந்தும் தப்பிச் செல்லும் மக்கள்!!

தொடரும் பொருளாதார நெருக்கடியால் மேலும் 6 இலங்கை தமிழர்கள் தஞ்சம் கோரித் தமிழகம் சென்றுள்ளனர்.

இலங்கையில் ஏற்பட்டுள்ள கடுமையான பொருளாதார நெருக்கடி காரணமாக மக்கள் நெருக்கடிகளைச் சந்தித்துள்ளனர். இந்த நிலைமையால் தமிழகத்துக்கு தஞ்சம் கோரிச் செல்வது கடந்த சில மாதங்களாக அதிகரித்துள்ளது.

இலங்கை மன்னார் மாவட்டம் பேசாலையில் வசிக்கும் ஒரே குடும்பத்தை சேர்ந்த 6 பேர் யாழ்ப்பாணத்தில் இருந்து படகு மூலம் தமிழகம் சென்றுள்ளனர்.

விசாரணைக்கு பிறகு 6 பேரும் மண்டபம் அகதிகள் முகாமில் ஒப்படைக்கப்பட உள்ளனர் என தெரிவிக்கப்பட்டுள்ளது.

பொருளாதார நெருக்கடி காரணமாக இலங்கையில் இருந்து ஏதிலிகளாக இதுவரை தமிழகம் சென்றவர்களின் எண்ணிக்கை 181 ஆக உயர்ந்துள்ளது.