தமிழகத்துக்கு தப்பியோடும் இலங்கையர்கள்! – ஐவர் நேற்றும் தஞ்சம்!!

தமிழகத்தின் இராமேஸ்வரத்துக்கு அருகில் உள்ள சேரான்கோட்டை கடற்கரை பகுதியில் 2 மாத கைக்குழந்தை மற்றும் ஒரு சிறுமி உட்பட ஒரே குடும்பத்தை சேர்ந்த 5 இலங்கையர்கள் அகதிகளாக தஞ்சமடைந்துள்ளனர்.

இலங்கையில் கடுமையான பொருளாதார நெருக்கடி ஏற்பட்டுள்ள நிலையில், அத்தியாவசிய பொருள்களின் விலைகள் கடுமையாக உயர்ந்து மக்கள் வாழ்வதற்கே வழியில்லாமல் சிரமத்துக்கு உள்ளாகியுள்ளனர். அதனால் அரசாங்கத்து எதிராக மக்கள் போராட்டங்களையும் முன்னெடுத்து வருகின்றனர்.

இந்தநிலையில் தமிழகத்துக்கு தஞ்சம் கோரிச் செல்லும் இலங்கையர்களின் எண்ணிக்கை கடந்த சில நாள்களாக அதிகரித்துள்ளது. ஏற்கனவே 21 குடும்பத்தைச் சேர்ந்த 75 பேர் வந்துள்ள நிலையில் தற்போது இராமேஸ்வரம் அடுத்துள்ள சேரான்கோட்டை கடற்கரைப் பகுதியில் 2 மாத கைக்குழந்தை மற்றும் ஒரு சிறுமி உட்பட ஒரே குடும்பத்தைச் சேர்ந்த 5 பேர் அகதிகளாக தஞ்சமடைந்துள்ளனர்.

அவர்களிடம் விசாரணைகளை மேற்கொண்ட தமிழகப் பொலிஸார், அவர்களை மண்டபம் அகதி முகாமில் தங்க வைக்க நடவடிக்கை எடுத்துள்ளனர் என்று தெரிவிக்கப்படுகின்றது.