கோப்பாயில் சூதாட்டம்!- சுற்றிவளைத்துப் பிடித்தது பொலிஸ்!

கோப்பாய் பகுதியில் சூதாட்டத்தில் ஈடுபட்ட குற்றச்சாட்டில் ஐவர் கைது செய்யப்பட்டுள்ளனர் என்று கோப்பாய் பொலிஸார் தெரிவித்தனர்.

கோப்பாய் பொலிஸாருக்குக் கிடைத்த தகவலின் அடிப்படையில் கோப்பாய் மத்தி பகுதியில் மேற்கொள்ளப்பட்ட சோதனை நடவடிக்கையில் இவர்கள் கைது செய்யப்பட்டனர் என்று தெரிவிக்கப்பட்டது.

கைது செய்யப்பட்டவர்கள் 26 முதல் 58 வயதுடையவர்கள் என்றும், அவர்களிடம் இருந்து 88 ஆயிரம் ரூபா பணம் கைப்பற்றப்பட்டது என்றும் பொலிஸார் தெரிவித்தனர்.

கைது செய்யப்பட்டவர்களை நீதிமன்றில் முற்படுத்துவதற்கான நடவடிக்கைகள் முன்னெடுக்கப்படுகின்றன என்றும் தெரிவிக்கப்பட்டது.