கல்வியங்காடு சந்திரசேகரப் பிள்ளையார் கோயில் பகுதியில் தொடர்ச்சியாகத் திருட்டுகளில் ஈடுபட்டார் என்ற குற்றச்சாட்டில் சந்தேக நபரொருவர் பொலிஸாரால் கைதுசெய்யப்பட்டுள்ளார்.
சந்திரசேகரப் பிள்ளையார் கோவில் பகுதியில் வீடு ஒன்றில் கடந்த வெள்ளிக்கிழமை கைக் கணனி (ரப்) ஒன்றும் இரு அலைபேசிகளும் திருடப்பட்டன.
இந்தச் சம்பவம் தொடர்பில் கோப்பாய் பொலிஸாருக்கு முறைப்பாடு வழங்கப்பட்டது. இது தொடர்பில் விசாரணை நடத்திய பொலிஸார் மேற்படி சந்தேக நபரை நேற்றுமுன்தினம் கைது செய்தனர்.
சந்தேகநபர் நேற்று யாழ்ப்பாணம் நீதிவான் நீதிமன்றில் முற்படுத்தப்பட்டபோது, சந்தேகநபரை எதிர்வரும் 10ஆம் திகதிவரை விளக்கமறியலில் வைக்குமாறு நீதிவான் உத்தரவிட்டார்.
Discussion about this post