இலங்கையில் உணவுத் தட்டுப்பாடு! – தமிழகத்துக்கு தப்பியோடும் இலங்கையர்கள்!

இலங்கையில் நிலவும் பஞ்சம் காரணமாக சிலர் தமிழகத்தின் தனுஷ் கோடி பகுதிக்கு படகு மூலம் சென்று தஞ்சம் அடைந்துள்ளனர்.

வரலாற்றில் இல்லாத அளவிற்கு இலங்கையில் மிக மோசமான பொருளாதார சரிவு ஏற்பட்டுள்ளது. கடந்த 75 வருடங்களில் இல்லாத நிலைக்கு பொருளாதாரம் நலிவடைந்துள்ளது.

இலங்கையில் தற்போது ஏற்பட்டுள்ள உணவுத் தட்டுப்பாடு காரணமாக தனுஷ் கோடி பகுதிக்கு படகு மூலம் அகதிகளாக வந்து தஞ்சம் அடைந்துள்ளனர்.

ஆண் ஒருவர், இரு பெண்கள், இரு சிறுவர்கள், ஒரு கைக்குழந்தை உட்பட 6 பேர் தனுஷ்கோடி மூன்றாம் மணல் திட்டுப் பகுதியில் வைத்து மீட்கப்பட்டுள்ளனர் என்று இந்தியக் கடலோரக் காவல் படை தெரிவித்தது.

இலங்கையின் தற்போதைய நிலைமையால் மேலும் பலர் தமிழ்நாட்டுக்கு வரலாம் என்ற காரணத்தால் கடலோரப் பாதுகாப்புகள் அதிகரிக்கப்பட்டுள்ளன என்று தமிழகப் பொலிஸார் தெரிவித்தனர்.