13 ஆவது திருத்தச் சட்டமூலத்தை முழுமையாக நடைமுறைப்படுத்த வலியுறுத்தி
இந்தியாவிற்கு ஒன்றாக கடிதம் அனுப்புவதற்கு தமிழ் மற்றும் முஸ்லிம் கட்சிகள்
முடிவெடுத்துள்ளன.

தமிழ் மற்றும் முஸ்லிம் அரசியல் கட்சிகளின் தலைவர்களுக்கு இடையில் இன்று (12)
கொழும்பு நகரில் பேச்சுவார்த்தை ஒன்று இடம்பெற்றது .

தமிழ் அரசியல் கட்சியின் தலைவரான இரா. சம்பந்தன் மற்றும் ரவூப் ஹக்கீம், சி.வி.
விக்னேஸ்வரன், மனோ கணேசன், செல்வம் அடைக்கலநாதன் ஆகியோர் இதில்
பங்குபெற்றி இருந்தனர்.

தமிழீழ விடுதலை இயக்கத்தின் ஒழுங்கமைப்பில் 13 ஆவது திருத்தச்சட்டமூலத்தை
முற்றாக நிறைவேற்ற வேண்டும் என தொடங்கபட்ட குழுவின் கன்னி
அமர்வு சென்ற மாதம் 2ஆம் திகதி யாழ்ப்பாணத்தில் இடம்பெற்றது.

இலங்கை தமிழரசுக் கட்சி மற்றும் தமிழ் தேசிய மக்கள் முன்னணி
சார்பாக அன்றைய தினம் எவரும் பங்க்கெடுக்கவில்லை.

எனினும், நேற்றைய இரண்டாவது சந்திப்பிலும் தமிழ் தேசிய மக்கள் முன்னணியின்
பிரதிநிதிகள் எவரும் பங்கெடுக்கவில்லை.

இவர்கள் எதிர்வரும் 21 ஆம் திகதி மீண்டும் கலந்துரையாடவுள்ளனர்