தனுஷ்கோடியில் இருந்து இலங்கைக்கு தப்பி வர முயன்ற மூவர் கைது

இந்தியாவின் (India) தனுஷ்கோடியில் (Dhanushkodi) இருந்து இலங்கைக்கு தப்பி வர முயன்ற இலங்கை பெண்ணுடன் அவருக்கு உதவிய இருவர் என மூவர் கைது செய்யப்பட்டுள்ளனர்.

முல்லைத்தீவு (Mullaitivu) பகுதியைச் சேர்ந்த விஜிதா (45) என்ற பெண் கடந்த 2023 டிசம்பர் மாதம் விமானம் மூலமாக ஆறு மாத கால விசாவில் சென்னைக்குச் சென்று பாண்டிச்சேரியில் தங்கி மனநோய்க்கான சிகிச்சை பெற்று வந்துள்ளார்.

மேலதிக விசாரணை

இந்நிலையில், விசா காலம் முடிவடைந்ததால் தனுஷ்கோடியில் இருந்து சட்டவிரோதமாக படகில் செல்ல தங்கச்சி மடத்தை சேர்ந்த ஜேசு என்பவரை அணுகி 50 ஆயிரம் ரூபா பணம் கொடுத்து நேற்று புதன்கிழமை (17) இரவு இராமேஸ்வரம் மீன்பிடி துறைமுகத்திலிருந்து புறப்பட தயாராகியுள்ளார்.

அங்கு விஜிதாவையும், அவருக்கு உதவிய தங்கச்சிமடத்தைச் சேர்ந்த அருளாந்தம் மற்றும் அவருடைய 17 வயது மகன் ஆகிய மூவரையும் இராமேஸ்வரம் துறைமுக நிலைய காவல்துறையினர் கைது செய்து விசாரணைகளை மேற்கொண்டு வருகின்றமை குறிப்பிடத்தக்கது