இந்தியாவின் முன்னாள் ஜனாதிபதியும், விஞ்ஞானியுமான ஏ.பி.ஜே.அப்துல்கலாமின் பிறந்ததினம் இன்று கொண்டாடப்பட்ட நிலையில், காரைநகர் கசூரினா கடற்கரையில் அவரது உருவச்சிலை மணலில் வடிவமைக்கப்பட்டுள்ளது.
அப்துல் கலாமின் 91 ஆவது பிறந்த தினம் இன்று கொண்டாடப்பட்ட நிலையில், யாழ்ப்பாணத்தில் உள்ள இந்தியத் துணைத் தூதரகத்தின் ஏற்பாடுகள் நிகழ்வுகள் ஏற்பாடு செய்யப்பட்டிருந்தன.
வேலணையைச் சேர்ந்த மணல் சிற்பக் கலைஞர் சு.சுகுமாரால் காரைநகர், கசூரினா கடற்கரையில் அப்துல் கலாமின் மணல் சிற்பம் உருவாக்கப்பட்டுள்ளது.
இந்த நிகழ்வில் யாழ்ப்பாணத்துக்கான இந்திய துணை தூதர் ராகேஷ் நட்ராஜ் ஜெயபாஸ்கரன், காரைநகர் பிரதேச சபை தவிசாளர் க.பாலச்சந்திரன், இந்திய துணை தூதரக அதிகாரிகள், பொதுமக்கள் எனப்பலரும் கலந்து கொண்டிருந்தனர்.
Discussion about this post