யாழ்ப்பாணம், நாவாந்துறைப் பகுதியில் இன்று மாலை நடந்த விபத்தில் இளைஞர் ஒருவர் சம்பவ இடத்திலேயே உயிரிழந்துள்ளார்.
மோட்டார் சைக்கிளும், பட்டா ரக வாகனமும் மோதி விபத்து நடந்துள்ளது. மோட்டார் சைக்கிளில் பயணித்த சகாயதாசன் பவா என்ற 36 வயது குடும்பஸ்தரே உயிரிழந்தார்.
விபத்துடன் தொடர்புடைய பட்டா ரக வாகனத்தின் சாரதி தப்பியோடியுள்ள நிலையில், வாகனம் பொலிஸாரால் பொறுப்பேற்கப்பட்டுள்ளது.
விபத்தை அடுத்து அந்தப் பகுதியில் அமைதியின்மை ஏற்பட்டபோதும், பொலிஸாரால் நிலைமை கட்டுப்பாட்டுக்குள் கொண்டுவரப்பட்டுள்ளது.
இந்த விபத்துச் சம்பவம் தொடர்பான விசாரணைகளை யாழ்ப்பாணம் பொலிஸார் முன்னெடுத்துள்ளனர்.
Discussion about this post