வட்டுக்கோட்டை, அராலியில் வீட்டில் நிறுத்தப்பட்டிருந்த மோட்டார் சைக்கிள் திருடப்பட்ட நிலையில், நாவாந்துறையில் வீதியில் நிறுத்தப்பட்டிருந்த நிலையில் அது மீட்கப்பட்டுள்ளது.
கடந்த 3 ஆம் திகதி வீட்டில் நிறுத்தப்பட்டிருந்த பல்சர் ரக மோட்டார் சைக்கிள் திருடப்பட்டிருந்தது என்று வட்டுக்கோட்டைப் பொலிஸ் நிலையத்தில் முறைப்பாடு செய்யப்பட்டிருந்தது.
பொலிஸ் புலனாய்வுப் பிரிவினருக்குக் கிடைத்த இரகசியத் தகவலின் அடிப்படையில் நாவாந்துறையில் வீதியில் நிறுத்தப்பட்டிருந்த நிலையில் மோட்டார் சைக்கிள் மீட்கப்பட்டுள்ளது. ஆயினும் சந்தேகநபர் தப்பிச் சென்றுள்ளார்.
இந்தச் சம்பவம் தொடர்பாக வட்டுக்கோட்டைப் பொலிஸார் விசாரணைகளை முன்னெடுத்துள்ளனர்.
Discussion about this post