சிறிலங்காவின் தனிநபர் கடன் ஒரு மில்லியனைத் தாண்டியது

இலங்கையில் தனிநபர் கடனின் அளவு தற்போது மில்லியன் ரூபா வரம்பைத் தாண்டியுள்ளது. இலங்கை மத்திய வங்கியின் அறிக்கையின்படி, 2022ஆம் ஆண்டு ஏப்ரல் மாத்துக்குள் மத்திய அரசு செலுத்த வேண்டிய மொத்த கடன் தொகை 4 மாதங்களுக்குள் 32 சதவீதமாக அதிகரித்துள்ளது.

இலங்கை மத்திய வங்கியின் தரவுகளின்படி, 2022 ஏப்ரல் மாதத்துக்குள் மத்திய அரசாங்கம் செலுத்த வேண்டிய மொத்த கடன் தொகை 23 ஆயிரத்து 310.1 பில்லியன் ரூபா என தெரிவிக்கப்பட்டுள்ளது.

12 ஆயிரத்து 442.3 பில்லியன் ரூபா உள்நாட்டுக் கடன்களாகவும், 10 ஆயிரத்து 867.8 பில்லியன் ரூபா வெளிநாட்டுக் கடன்களாகவும் உள்ளன என்று மத்திய வங்கி தெரிவித்துள்ளது.

2021ஆம் ஆண்டின் இறுதியில் 17 ஆயிரத்து 589.4 பில்லியன் ரூபாவாக பதிவாகியிருந்த மத்திய அரசாங்கத்தின் மொத்தக் கடன் 4 மாத காலப்பகுதிக்குள் 5 ஆயிரத்து 720.7 பில்லியன் ரூபா அல்லது 32.52 வீதத்தால் அதிகரித்துள்ளது.

அதேவேளை, இலங்கையில் தனிநபர் கடனின் அளவும் விரைவான அதிகரிப்பை சந்தித்துள்ளது. நாட்டின் சனத்தொகை 22 மில்லியனாக உள்ள நிலையில், இலங்கையின் ஒவ்வொரு குடிமகனும் 10 இலட்சம் ரூபா கடனாளிகள் என்று தெரிவிக்கப்படுகின்றது.