தமிழகத்துக்குச் தப்பிச் சென்றுள்ள இலங்கையர்கள்!!

சிறிலங்காவில் ஏற்பட்டுள்ள பொருளாதார நெருக்கடியால் அங்கிருந்து மக்கள் சட்டவிரோதமாக வெளிநாடுகளுக்குச் செல்வது அதிகரித்துள்ளது.

இன்று அதிகாலை சிறிலங்காவில் இருந்து சட்டவிரோதமாகப் படகில் பயணித்த நால்வர், தமிழகத்தில் தஞ்சம் புகுந்துள்ளனர்.

திருகோணமலையைச் சேர்ந்த பெண் ஒருவரும் இரு மகன்களும், ஒரு மகளுமே படகு மூலம் தமிழகம் சென்றுள்ளனர்.

இவர்கள் 2006ஆம் ஆண்டு தமிழகத்தில் தஞ்சம் கோரியிருந்த நிலையில், 2019ஆம் ஆண்டு மீண்டும் சிறிலங்கா திரும்பியவர்கள் என்று விசாரணையில் தெரியவந்துள்ளது.

அதேவேளை, சிறிலங்காவில் பொருளாதார நெருக்கடி ஏற்பட்ட பின்னர் இதுவரை 133 பேர் தமிழகத்துக்குத் தஞ்சம் கோரிச் சென்றுள்ளனர்.