மட்டக்களப்பு மாவட்டம், போரதீவுப்பற்று பிரதேச செயலாளர் பிரிவுக்குட்பட்ட திக்கோடை தளவாய் காட்டுப்பகுதியில் காட்டு யானை தாக்கி ஒருவர் உயிரிழந்துள்ளார்.
இந்தச் சம்பவத்தில் பட்டிப்பளை பிரதேச செயலாளர் பிரிவுக்குட்பட்ட அருள்நேசபுரம் கடுக்காமுனை கிராமத்தில் வசிக்கும் ராசசிங்கம் மோசிகவாகனம் (வயது 57) என்பவரே உயிரிழந்துள்ளார்.
கடுக்காமுனை பகுதியில் இருந்து விறகு எடுப்பதற்காக 3 பேர் திக்கோடை தளவாய் காட்டுப்பகுதிக்கு சென்றபோது மறைந்திருந்த காட்டு யானை துரத்தியுள்ளது.
இதன்போது இருவர் தப்பியோடிய நிலையில் மற்றையவர் யானையின் தாக்குதலால் உயிரிழந்துள்ளார்.
சடலம் பிரேத பரிசோதனைகளுக்காக மட்டக்களப்பு போதனா வைத்தியசாலையில் வைக்கப்பட்டுள்ளது.
இது தொடர்பான விசாரணைகளை வெல்லாவெளிப் பொலிஸார் முன்னெடுத்து வருகின்றனர்.
Discussion about this post