4 நாள்களில் மட்டும் 1,126 மெற்றிக்தொன் நெல் கொள்வனவு

கடந்த நான்கு நாள்களில் மாத்திரம் விவசாயிகளிடமிருந்து ஆயிரத்து 126 மெற்றிக்தொன் நெல் கொள்வனவு செய்யப்பட்டுள்ளது என நெல் சந்தைப்படுத்தல் சபை தெரிவித்துள்ளது.

வருடத்தின் முதல் பருவத்தில் நடவு செய்யப்பட்ட விவசாயிகளின் நெல் கொள்முதல் கடந்த 17ஆம் திகதி முதல் ஆரம்பமாகியது. கடந்த 19ஆம் திகதி வரை 332 மெற்றிக் தொன் நெல் கொள்முதல் செய்யப்பட்டுள்ளது.

இதற்கென நெல் அறுவடை செய்யப்படும் பிரதேசங்களில் நெல் கொள்வனவு செய்வதற்காக நெல் சந்தைப்படுத்தல் சபையின் 73 களஞ்சியசாலைகள் திறக்கப்பட்டுள்ளன என்று நெல் சந்தைப்படுத்தல் சபையின் தலைவர் தெரிவித்துள்ளார்.