வவுனியா, குடியிருப்புக் குளத்துக்கு அருகில் உள்ள பொதுச் சந்தையின் பின்புறம் ஆண் ஒருவரின் சடலம் ஒன்று மீட்கப்பட்டுள்ளது.
மகாறம்பைக்குளம், கண்ணன் கோட்டத்தைச் சேர்ந்த மூக்கன் சஜீவன் (வயது-38) என்ற குடும்பஸ்தரே சடலமாக மீட்கப்பட்டுள்ளார்.
இவர் கடந்த சனிக்கிழமை காலை வீட்டிலிருந்து வெளியேறியிருந்த நிலையில், வீட்டுக்குத் திரும்பவில்லை. இது தொடர்பாக கடந்த திங்கட்கிழமை உறவினர்கள் வவுனியா பொலிஸ் நிலையத்தில் முறைப்பாடு செய்திருந்திருந்தனர். இந்த நிலையில் அவர் சடலமாக மீட்கப்பட்டுள்ளார்.
சடலம் மீட்கப்பட்டு உடற்கூற்றுப் பரிசோதனைக்காக வவுனியா மருத்துவமனையில் ஒப்படைக்கப்பட்டுள்ளது. இந்தச் சம்பவம் தொடர்பான விசாரணைகளைப் பொலிஸார் முன்னெடுத்து வருகின்றனர்.
Discussion about this post