10 வயதுச் சிறுவன் ஒருவரை பாலியல் துஷ்பிரயோகத்துக்கு உட்படுத்திய குற்றச்சாட்டில் வடமராட்சியில் 32 வயது இளைஞர் ஒருவர் கைது செய்யப்பட்டுள்ளார்.
இந்தச் சம்பவம் நேற்று வடமராட்சி கிழக்கு, குடாரப்புவில் நடந்துள்ளது என்று மருதங்கேணிப் பொலிஸார் தெரிவித்தனர்.
சிறுவனின் தந்தை பதிவு செய்த முறைப்பாட்டின் அடிப்படையில் மாமுனையைச் சேர்ந்த இளைஞன் கைது செய்யப்பட்டுள்ளார்.
சிறுவன் வைத்திய பரிசோதனைகளுக்காகப் பருத்தித்துறை ஆதார மருத்துவமனையில் சேர்க்கப்பட்டுள்ளார்.
வைத்திய பரிசோதனை அறிக்கை பெறப்பட்ட பின்னர் மேலதிக சட்ட நடவடிக்கைகள் முன்னெடுக்கப்படும் என்று தெரிவித்த பொலிஸார், இந்தச் சம்பவம் தொடர்பான விசாரணைகள் முன்னெடுக்கப்பட்டுள்ளன என்றும் தெரிவித்தனர்.
Discussion about this post