யாழ். போதனா வைத்தியசாலையில் இரத்த வகைகள் தட்டுப்பாடு!

யாழ்ப்பாணம் போதனா வைத்தியசாலையில் இரத்த வங்கியில் இரத்த வகைகளுக்கு பெரும் தட்டுப்பாடு நிலவுகின்றது என்று இரத்த வங்கி பிரிவு தெரிவித்துள்ளது.

B+ மற்றும் O+ ஆகிய இரத்தங்களுக்கு பெரும் தட்டுப்பாடு நிலவுகின்றது என்று தெரிவிக்கப்படுகின்றது.

இரத்த தானம் செய்ய விரும்பும் குருதி கொடையாளர்கள் யாழ்ப்பாணம் போதனா மருத்துவமனையின் பின்புறமாக அமைந்துள்ள 12 ஆம் இலக்க நுழைவாயில் ஊடாக இரத்த வங்கிக்கு தினமும் காலை 8 மணி முதல் மாலை 5 மணி வரையில் நேரில் சமூகமளித்து குருதி கொடை வழங்க முடியும் என தெரிவிக்கப்பட்டுள்ளது.

இது குறித்து மேலதிக விபரங்கள் தேவையெனில் அல்லது இரத்த தான முகாம்களை ஒழுங்கமைப்பு செய்ய விரும்புவோரும் தொடர்பு கொள்ள முடியும் என அறிவிக்கப்பட்டுள்ளது.