அதிக பயணிகளுடன் பயணித்த இலங்கைப் போக்குவரத்துச் சபை பஸ்ஸின் மிதிபலகை திடீரென வீதியில் கழன்று வீழந்துள்ளது. அதில் ஒருவர் சிறு காயங்களுக்கு உள்ளாகியுள்ளார்.
இந்தச் சம்பவம் யாழ்ப்பாணம், ஆனைக்கோட்டையில் நேற்று நடந்துள்ளது.
நேற்றுக் காலை 6 மணிக்கு காரைநகர் சாலையில் இருந்து புறப்பட்ட 786 வழித்தட பஸ்ஸின் மிதிபலகையே ஆனைக்கோட்டை மூன்றாம் பாலத்தடியில் கழன்று வீழ்ந்துள்ளது.
இந்தச் சம்பவம் தொடர்பில் கருத்துத் தெரிவித்த காரைநகர் இ.போ.ச. சாலை முகாமையாளர் குணசீலன், அதிகளவு பயணிகள் மிதிபலகையில் நின்று பயணித்தமையே இதற்குக் காரணம் என்று தெரிவித்தார்.
Discussion about this post