யாழில் இந்திய கடற்றொழிலாளர்கள் 25 பேர் கைது : தொடரும் அத்துமீறல்கள்

இலங்கை கடற்பரப்பில் அத்துமீறி கடற்றொழிலில் ஈடுபட்ட குற்றச்சாட்டில் 25 இந்திய கடற்றொழிலாளர்கள் கைது செய்யப்பட்டுள்ளனர்.குறித்த கைது நடவடிக்கையானது இலங்கை கடற்படையினரால் இன்று(01) அதிகாலை மேற்கொள்ளப்பட்டுள்ளது.இதன்போது, யாழ்ப்பாணம் (Jaffna) -நெடுந்தீவு கடற்பரப்பில் கடற்றொழிலில் ஈடுபட்டு கொண்டிருந்த நான்கு படகுகளையும் அதிலிருந்த 25 இந்திய கடற்றொழிலாளர்களையும் கடற்படையினர் கைது செய்துள்ளனர்.

கைது நடவடிக்கைஇதனையடுத்து கைதான 25 இந்திய கடற்றொழிலாளர்களும் மயிலிட்டி மீன்பிடி துறைமுகத்திற்கு அழைத்துச் செல்லப்பட்டுள்ளனர்

மேலும், குறித்த சந்தேகநபர்களை மேலதிக விசாரணைகளுக்காக கடற்றொழில் நீரியல்வளத்துறை திணைக்களத்தினரிடம் ஒப்படைத்து ஊர்காவற்றுறை நீதிமன்றத்தில் முற்படுத்த நடவடிக்கை எடுக்கப்படவுள்ளது.இதேவேளை, அண்மைக்காலமாக தமிழ்நாட்டை (Tamil Nadu) சேர்ந்த கடற்றொழிலாளர்கள் தொடர்ந்தும் இலங்கை கடற்படையினரால் கைது செய்யப்பட்டு வருகின்றமை குறிப்பிடத்தக்கது