மனைவியின் சகோதரியான பாடசாலை மாணவி ஒருவரை பாலியல் துஷ்பிரயோகம் செய்தார் என்ற குற்றச்சாட்டில் 26 வயது நபர் ஒருவர் மன்னார் பொலிஸாரால் கைது செய்யப்பட்டுள்ளார்.
சந்தேகநபர் நேற்று மன்னார் நீதிவான் நீதிமன்றில் முற்படுத்தப்பட்டபோது, அவரை எதிர்வரும் 4ஆம் திகதிவரை நீதிமன்று விளக்கமறியலில் வைக்க உத்தரவிட்டது.
இந்தத் துஷ்பிரயோகச் சம்பவம் மன்னார் தாராபுரத்தில் நடந்துள்ளது. 15 மாணவி ஒருவரைக் காணவில்லை என்று கடந்தவாரம் குடும்பத்தினர் மன்னார் பொலிஸ் நிலையத்தில் முறைப்பாடு செய்திருந்தனர்.
3 தினங்களின் பின்னர் சிறுமி வீட்டுக்குத் திரும்பியிருந்தார். சிறுமியிடம் பொலிஸார் மேற்கொண்ட விசாரணைகளில் சிறுமியின் மூத்த சகோதரியின் கணவர் சிறுமியை பிறிதொரு வீட்டில் தடுத்து வைத்து பாலியல் துஷ்பிரயோகத்துக்கு உட்படுத்தி வந்தமை கண்டுபிடிக்கப்பட்டது.
தனது அக்காவின் கணவர் துஷ்பிரயோகத்துக்கு உள்ளாக்கியமை தொடர்பாக பொலிஸ் விசாரணையில் சிறுமி தெரிவித்துள்ளார். இதற்கு மேலும் இருவர் உடந்தையாக இருந்தனர் என்றும் சிறுமி கூறியுள்ளார்.
இந்தச் சம்பவத்துக்கு உடந்தையாக இருந்த ஏனைய இருவரைக் கைது செய்வதற்கான நடவடிக்கைகள் முன்னெடுக்கப்படுகின்றன என்று மன்னார் பொலிஸார் தெரிவித்தனர்.
Discussion about this post