புளியம்பொக்கணை பகுதியில் இடம்பெற்ற வாகன விபத்தில் படுகாயமடைந்து சிகிச்சை பெற்று வந்த ஒருவர் சிகிச்சை பயனின்றி உயிரிழந்துள்ளார். இரண்டு பிள்ளைகளின் தந்தையான சிவலிங்கம் பவிராஜ் என்பவரே உயிரிழந்துள்ளார்.
கடந்த முதலாம் திகதி சுண்டிக்குளம் கல்லாறு பகுதியிலிருந்து 3 பேர் மோட்டார் சைக்கிளில் புளியம்போக்கணை பகுதியில் உள்ள உறவினர் வீட்டுக்கு வந்துவிட்டு மீண்டும் வீடு திரும்பும் போதே இந்த விபத்து நடந்துள்ளது.
புளியம்பொக்கணை பகுதியில் சென்றுக்கொண்டிருந்த இந்த மோட்டார் சைக்கிள் வேகக்கட்டுப்பாட்டை இழந்து கால்வாயில் வீழ்ந்துள்ளது.
படுகாயமடைந்த மூவரும் கிளிநொச்சி மருத்துவமனையில் சேர்க்கப்பட்டு, அங்கிருந்து மேலதிக சிகிச்சைக்காக யாழ் போதனா வைத்தியசாலைக்கு மாற்றப்பட்ட நிலையில், அவர்களில் ஒருவர் நேற்று சிகிச்சை பலனின்றி உயிரிழந்துள்ளார்.
Discussion about this post