போராட்டங்களின் போது குழந்தைகளை அழைத்துச் செல்ல வேண்டாம். தமிழீழ விடுதலைப் புலிகள் அமைப்பின் தலைவர் பிரபாகரன் போன்று செயற்பட வேண்டாம் என்று ஜனாதிபதி ரணில் விக்கிரமசிங்க தெரிவித்துள்ளார்.
நேற்று ஜனாதிபதி செயலகத்தில் நடைபெற்ற சிறுவர்களின் அடிப்படை உரிமைகள் பாதுகாப்புத் தொடர்பான விசேட கலந்துரையாடலின்போதே ரணில் விக்கிரமசிங்க இவ்வாறு தெரிவித்துள்ளார்.
நாட்டின் சட்டங்கள் குழந்தைகளைப் பாதுகாக்க முயல்கின்றன. போரின்போது மறைந்த விடுதலைப் புலிகளின் தலைவர் பிரபாகரன் செய்ததைப் போலவே பெற்றோர்கள் பழிவாங்கும் நோக்கில் குழந்தைகளை போராட்டங்களுக்கு அழைத்துச் செல்கின்றனர்.
இந்தச் செயற்பாட்டை மக்கள் நிறுத்த வேண்டும் என்றும் ரணில் விக்கிரமசிங்க தெரிவித்துள்ளார்.
Discussion about this post