திடீர் சுகவீனமுற்ற நிலையில் யாழ்ப்பாணம் போதனா மருத்துவமனையில் சேர்க்கப்பட்ட குடும்பஸ்தர் ஒருவர் சிகிச்சை பயனின்றி உயிரிழந்துள்ளார். இவரது இறப்புக்கு நாய் கடித்தமை காரணமாக இருக்கலாம் என்று சந்தேகிக்கப்படுகின்றது.
பண்டத்தரிப்பைச் சேர்ந்த சபாரத்தினம் கனகலிங்கம் (வயது-50) என்பவரே உயிரிழந்துள்ளார்.
கூலி வேலை செய்துவரும் இவர் கடந்த பெப்ரவரி மாதம் 14 ஆம் திகதி வேலைக்குச் சென்றுவரும்போது வீதியில் நாய் கடித்துள்ளது.
இவர் இரு நாள்கள் கழித்து 17ஆம் திகதி மருத்துவமனை சென்று ஊசி ஏற்றிக் கொண்டுள்ளார். ஆயினும் அவருக்கு ஏற்பூசி ஏற்றப்பட்டிருந்தது என்றும், விசர்நாய்க் கடி தடுப்பூசி ஏற்றப்படவில்லை என்றும் கூறப்படுகின்றது.
இந்த நிலையில் திடீர் சுகவீனமுற்ற அவர் யாழ்ப்பாணம் போதனா மருத்துவமனையில் சேர்க்கப்பட்டுள்ளார். ஆயினும் சிகிச்சை பயனின்றி நேற்றுமுன்தினம் அவர் உயிரிழந்துள்ளார். உடற்கூற்றுப் பரிசோதனைகளின் பின்னரே இறப்புக்கான சரியான காரணத்தைக் கூற முடியும் என்று மருத்துவமனைத் தகவல்கள் தெரிவித்தன.
Discussion about this post