நிதியமைச்சர், ஆளுநர் இல்லை!! – ஆனாலும் 118 பில்லியனை அச்சிட்ட மத்திய வங்கி!!

இலங்கையில் தற்போது நிதியமைச்சர் மற்றும் இலங்கை மத்திய வங்கி ஆளுநர் பதவிகள் வெற்றிடமாக உள்ளபோதும், இலங்கை மத்திய வங்கி நேற்றும் நாணயத்தாள்களை அச்சிட்டுள்ளது.

இலங்கை மத்திய வங்கி நேற்று 119.08 பில்லியன் ரூபாவை அச்சிட்டுள்ளது என்று தகவல் வெளியாகியுள்ளது.

இந்த ஆண்டின் இதுவரையான காலப்பகுதியில் மட்டும் இலங்கை மத்திய வங்கி 432.76 பில்லியன் ரூபாவை அச்சிட்டுள்ளது.

அதேவேளை, அரச ஊழியர்களுக்கான ஏப்ரல் மாதக் கொடுப்பனவை வழங்குவதில் எந்தப் பிரச்சினையும் இல்லை என்று நேற்று அரச சேவைகள் மற்றும் உள்ளூராட்சி மன்றங்கள் அமைச்சு அறிவித்திருந்ததும் குறிப்பிடத்தக்கது.