யாழ்ப்பாணத்தில் வீடொன்றில் திருடச் சென்ற திருடர்கள் அந்த வீட்டில் சமைத்து உண்டு, மது அருந்தி அங்கேயே உறங்கிய நிலையில் அவர்களில் ஒருவர் மக்களிடம் சிக்கி நையப்புடைக்கப்பட்டுள்ளார்.
வட்டுக்கோட்டை, மூளாய் பகுதியில் இந்தச் சம்பவம் நடந்துள்ளது. வீட்டில் திருடச் சென்ற திருடர்கள் வீட்டில் யாரும் இல்லாததால் அங்கு சமைத்து உணவருந்தியுள்ளனர். மதுவும் அருந்திய அவர்கள் போதையில் அங்கேயே படுத்து உறங்கிவிட்டனர்.
நேற்றுக்காலை வீட்டின் உரிமையாளர் வந்தபோது திருடர்கள் அயர்ந்து உறங்கிக் கொண்டிருந்துள்ளனர். அயலவர்களை அழைத்து அவர்களைப் பிடிக்க முயன்றபோது ஒருவர் மட்டும் அகப்பட்ட, மற்றையவர் தப்பியோடியுள்ளார்.
பொதுமக்களால் பிடிக்கப்பட்டவர் நையப்புடைக்கப்பட்டு வட்டுக்கோட்டைப் பொலிஸ் நிலையத்தில் ஒப்படைக்கப்பட்டுள்ளார். மூளாய், வேரம் பகுதியைச் சேர்ந்த ஒருவரே பொலிஸாரால் கைது செய்யப்பட்டுள்ளார்.
Discussion about this post