தமிழகத்துக்கு தப்பியோடும் இலங்கையர்கள்! – இன்றும் 7 பேர் தஞ்சம்!

இலங்கையில் இருந்து இன்றும் 7 பேர் தமிழகத்துக்கு தஞ்சம் கோரிச் சென்றுள்ளனர். நாட்டில் பொருளாதார நெருக்கடி தீவிரமடைந்துள்ள நிலையில், தமிழகத்துக்கு தஞ்சம் கோரிச் செல்லும் இலங்கையர்களின் எண்ணிக்கை அண்மைக்காலமாக அதிகரித்துள்ளது.

கடந்த மார்ச் மாதம் முதல் இதுவரை பலர் தஞ்சம் கோரிப் படகு மூலம் தமிழகம் சென்றிருந்த நிலையில், இன்றும் 7 பேர் தமிழகத்துக்குப் படகு மூலம் சென்றுள்ளனர்.

திருகோணமலை மற்றும் யாழ்ப்பாணத்தைச் சேர்ந்த இரு ஆண்கள், இரு பெண்கள், 3 சிறுவர்களே படகு மூலம் தமிழக்ததுக்குச் சென்றுள்ளனர்.

தமிழகத்தின் தனுஷ்கோடியைச் சென்றடைந்த இவர்கள், விசாரணைகளின் பின்னர் மண்டபம் முகாமில் தங்க வைக்கப்பட்டுள்ளனர் என்று தமிழகப் பொலிஸார் தெரிவித்தனர்.