டெங்குத் தொற்றால் உயிரிழந்த குடும்பஸ்தர்! – யாழ்ப்பாணத்தில் தொடரும் உயிரிழப்புக்கள்!

யாழ்ப்பாணம், காக்கைதீவைச் சேர்ந்த குடும்பஸ்தர் ஒருவர் டெங்குத் தொற்றால் உயிரிழந்துள்ளார்.

இந்திரராசா ஜெயதீசன் என்ற 41 வயது நபரே உயிரிழந்துள்ளார். கடந்த 8ஆம் திகதி காய்ச்சல் காரணமாக யாழ்ப்பாணம் போதனா வைத்தியசாலையில் இவர் சேர்க்கப்பட்டார்.

இவருக்குத் டெங்குத் தொற்று உறுதி செய்யப்பட்டிருந்த நிலையில் நேற்று அவர் சிகிச்சை பயனின்றி உயிரிழந்துள்ளார்.

அதேவேளை, நாட்டில் இந்த மாதம் முதலாம் திகதி முதல் 8 ஆம் திகதிவரை 2 ஆயிரத்து 416 டெங்குத் தொற்றாளர்கள் இனங்காணப்பட்டுள்ளனர்.

நாட்டின் 8 மாவட்டங்கள் டெங்கு அபாய வலயங்களாக அறிவிக்கப்பட்டுள்ள நிலையில், யாழ்ப்பாணமும் அதில் உள்ளடக்கப்பட்டுள்ளது.