ஸ்ரீலங்காவின் 8 ஆவது நிறைவேற்று அதிகாரம் கொண்ட ஜனாதிபதியாகத் தெரிவு செய்யயப்பட்ட ரணில் விக்கிரமசிங்க, நேற்று பிரதம நீதியரசர் முன்னிலையில் சத்தியப்பிரமாணம் செய்து கொண்டார்.
நாடாளுமன்றக் கட்டடத் தொகுதியில் இந்த நிகழ்வு நடைபெற்றது. முப்படைகளின் அணிவகுப்பு, சபாநாயகர், படைக்கலச் சேவிதர், நாடாளுமன்ற செயலாளர் நா யகம் ஆகியோர் ரணில் விக்கிரமசிங்கவை வரவேற்று அழைத்துச் சென்றனர்.
பிரதம நீதியரசர் ஜயந்த ஜயசூரிய முன்னிலையில் அவர் சத்தியப்பிரமாணம் செய்து கொண்டார். இந்த நிகழ்வில் முன்னாள் ஜனாதிபதிகளான மஹிந்த ராஜபக்ச மற்றும் மைத்திரிபால சிறிசேன ஆகியோர் கலந்து கொண்டனர்.
அதேவேளை, 29 ஆண்டுகளின் பின்னர் ஐக்கிய தேசியக் கட்சி உறுப்பினர் ஒருவர் ஜனாதிபதியாகப் பதவியேற்ற சந்தர்ப்பம் இதுவாகும்.
Discussion about this post