கோவளம் கடற்கரையில் சிக்கிய 66 கிலோ கேரளக் கஞ்சா!! – இளைஞர்கள் மூவர் கைது!!

யாழ்ப்பாணம், கோவளம் கடற்பகுதியில் 20 மில்லியன் ரூபா பெறுமதியான கேரள கஞ்சா கைப்பற்றப்பட்டுள்ளது.

இந்தக் கடத்தல் சம்பவம் தொடர்பில் மூன்று சந்தேகநபர்கள் கைது செய்யப்பட்டுள்ளனர் என்று இலங்கை கடற்படை தெரிவித்தது.

சந்தேகநபர்களிடமிருந்து 66 கிலோ 600 கிராம் கேரள கஞ்சா கைப்பற்றப்பட்டுள்ளது.

20 முதல் 24 வயதுக்கு இடைப்பட்ட முல்லைத்தீவு மற்றும் மாதகல் பகுதிகளை சேர்ந்தவர்களே கைது செய்யப்பட்டுள்ளனர்.

கைப்பற்றப்பட்ட கேரள கஞ்சாவுடன் சந்தேகநபர்கள் காங்கேசன்துறை பொலிஸாரிடம் ஒப்படைக்கப்பட்டுள்ளனர்.