மக்களை வதைக்கின்ற அரசை விரட்டியடிப்போம் என்ற அறைகூவலுடன் தேசிய மக்கள் சக்தியால் ஏற்பாடு செய்யப்பட்ட பாதயாத்திரை இன்று முற்பகல் களுத்துறை, பேருவளை நகரில் ஆரம்பமானது.

ஜே.வி.பி. – தேசிய மக்கள் சக்தியின் தலைவர் அநுரகுமார திஸாநாயக்க உட்பட தேசிய மக்கள் சக்தியின் செயற்பாட்டாளர்களும், பெருந்திரளான மக்களும் குறித்த பாதயாத்திரையில் பங்கேற்றிருந்தனர்.

‘போ’ என்றதும், விடைபெற மறுக்கும் திருட்டு – ஊழல் கும்பலை, மக்கள் சக்தியால் விரட்டியடிப்போம் என பாத யாத்திரையில் பங்கேற்றோர் கோஷம் எழுப்பினர்.

தேசிய மக்கள் சக்தியால் பாத யாத்திரை ஏற்பாடு செய்யப்பட்டாலும், இது மக்களுக்கான போராட்டமாகும். எனவே, அனைவரும் கட்சி பேதமின்றி அணிதிரள வேண்டும் என்று ஜே.வி.பியின் செயலாளர் நாயகம் ரில்வின் சில்வா அழைப்பு விடுத்துள்ளார். இந்தப் பாதயாத்திரை 19ஆம் திகதி கொழும்பைச் சென்றடையவுள்ளது.