கொடிகாமத்தில் கோரம்! – ரயிலுடன் மோதி இறந்த முதியவர்!

கொடிகாமத்தில் ரயில் தண்டவாளத்தைக் கடக்க முயன்ற முதியவர் ஒருவர் ரயிலுடன் மோதி உயிரிழந்துள்ளார்.

இந்தச் சம்பவம் நேற்றுச் சனிக்கிழமை இரவு 7.30 மணியளவில் நடந்துள்ளது. கொடிகாமம், கண்டி வீதியைச் சேர்ந்த கந்தக்குட்டி சுந்தரம் என்ற 67 வயதுடைய ஒருவரே உயிரிழந்துள்ளார்.

யாழ்ப்பாணத்தில் இருந்து கொழும்பு நோக்கிப் பயணித்த தபால் ரயிலுடன் மோதியே இவர் விபத்துக்குள்ளாகியுள்ளார்.

இந்தச் சம்பவம் தொடர்பாகக் கொடிகாமம் பொலிஸார் விசாரணைகளை முன்னெடுத்து வருகின்றனர்.