இலங்கையில் எரிபொருள் உட்பட அத்தியாவசியப் பொருள்களுக்குக் கடும் தட்டுப்பாடு ஏற்பட்டுள்ள நிலையில், அவற்றுக்காக வரிசைகளில் நிற்போர் மயங்கி வீழ்ந்து உயிரிழக்கும் சம்பவங்கள் பதிவாக ஆரம்பித்துள்ளன.
நேற்று முதியவர் ஒருவர் மண்ணெண்ணெய்க்கான வரிசையில் காத்திருந்தபோது மயங்கி வீழ்ந்து உயிரிழந்த நிலையில், இன்று இன்னொருவர் உயிரிழந்துள்ளார்.
கடவத்தை எரிபொருள் நிரப்பு நிலையத்தில் வரிசையில் காத்திருந்த 70 வயது முதியவர் ஒருவரே மயங்கி வீழ்ந்து உயிரிழந்துள்ளார் என்று தெரியவருகின்றது.
நேற்றுக் கண்டியில் உள்ள எரிபொருள் நிரப்பு நிலையத்தில் வரிசையில் காத்திருந்த 71 வயது முதியவர் ஒருவர் மயங்கி வீழ்ந்து உயிரிழந்தார்.
தற்போது இலங்கையில் கடும் வெப்பமான காலநிலை காணப்படும் நிலையில், நீண்டநேரம் வரிசையில் காத்திருப்போர் உடல்நிலை பாதிக்கப்பட வாய்ப்புள்ளது என்று மருத்துவர்கள் தெரிவிக்கின்றனர்.
Discussion about this post