உமையாள்புரத்தில் மர்மமான பொருள் ஒன்றை உடைக்க முயன்ற இளைஞர் பலி

கிளிநொச்சி உமையாள்புரம் சோலை நகர் பகுதியில் மர்மப்பொருள் ஒன்றை உடைக்க முயன்ற போது அதுவெடித்ததில் ஒருவர் சம்பவ இடத்திலேயே உயிரிழந்துள்ளதுடன் மேலும் 13 வயது சிறுவன் ஒருவன்படுகாயமடைந்த நிலையில் கிளிநொச்சி வைத்தியசாலையில் சிகிச்சை அளிக்கப்பட்டு வருகின்றார்

 உமையாள்புரம் சோலை நகர் பகுதியில் இன்று (05-12-2021 ) பிற்பகல் 3-30 மணியளவில் மர்மப்பொருள் ஒன்றை கிரைண்டர் ஒன்றினால் உடைக்க முயன்றா போது குறித்த பொருள் வெடித்ததில் ஒருவர் உடல் சிதறிபலியாகியுள்ளதுடன் சம்பவத்தில் 13 வயதுடைய சிறுவன் ஒருவனும் படுகாயமடைந்த நிலையில் கிளிநொச்சிவைத்தியசாலையில் அனுமதிக்கப்பட்டுள்ளார்.

இதன் போது( சிவலிங்கம் யுவராஜ் வயது- 25) உயிரிழந்துள்ளதுடன் சிவலிங்கம் நிலக்சன் எனும் சிறுவன் படுகாயமடைந்த நிலையில் கிளிநொச்சி வைத்தியசாலையில் அனுமதிக்கப்பட்டுள்ளார்.

இச் சம்பவம் தொடர்பில் கிளிநொச்சி பொலிஸார் விசாரணைகளை முன்னெடுத்துள்ளனர்.

வெடிப்பு சம்பவம் இடம்பெற்ற வீட்டை சூழவுள்ள  சில பகுதிகளிலும் ஆபத்தான வெடிபொருட்கள்அடையாளம் காணப்பட்டுள்ளமை இங்கு குறிப்பிடத்தக்கது.