உடைமையில் ஹெரோய்ன் வைத்திருந்த இளைஞன் கைது!!

வவுனியா பூந்தோட்டத்தில் ஹெரோய்னைத் தனது உடமையில் வைத்திருந்த குற்றச்சாட்டில் இளைஞர் ஒருவர் கைது செய்யப்பட்டுள்ளார் என்று பொலிஸார் தெரிவித்தனர்.

நேற்றுமுன்தினம் காலை பூந்தோட்டம், கண்ணன்கோட்டத்தில் மடுகந்த விசேட அதிரடிப் படையினர் மேற்கொண்ட நடவடிக்கையின்போதே சந்தேகநபர் கைது செய்யப்பட்டுள்ளார்.

சந்தேகநபர் மகாரம்பைக்குளத்தைச் சேர்ந்த 32 வயதுடையவர் என்றும், சந்தேகநபரிடம் இருந்து 3 கிராம் 770 மில்லிகிராம் ஹெரோய்ன் மீட்கப்பட்டுள்ளது என்றும் பொலிஸார் தெரிவித்தனர்.

சந்தேகநபர் விசாரணைகளின் பின்னர் நீதிமன்றில் முற்படுத்தப்படுவார் என்றும் பொலிஸார் குறிப்பிட்டனர்.