அலரி மாளிகை முன்பாக முன்னெடுக்கப்பட்டு வரும் போராட்டத்தில் இன்று காலை அமைதியின்மை ஏற்பட்டது.
அங்கு அமைக்கப்பட்டிருந்த கூடாரத்தைப் பொலிஸார் இன்று அதிகாலை அகற்றியதை அடுத்தே அங்கு அமைதியின்மை ஏற்பட்டது.
பிரதமர் மற்றும் ஜனாதிபதி ஆகியோர் உடனடியாகப் பதவி விலக வேண்டும் என்று வலியுறுத்தி நாடு முழுவதும் போராட்டங்கள் முன்னெடுக்கப்பட்டு வரும் நிலையில், அலரி மாளிகை முன்பாகவும் தொடர் போராட்டம் நடத்தப்பட்டு வருகின்றது.
அங்கு போராட்டத்தில் ஈடுபடுவோர் கூடாரங்களை அமைத்திருந்த நிலையில், அவை இன்று அதிகாலை அகற்றப்பட்டுள்ளன. அதற்கு ஆர்ப்பாட்டக்காரர்கள் எதிர்ப்பு வெளியிட்டதால் அங்கு அமைதியின்மை ஏற்பட்டது.
ஆர்ப்பாட்டத்தில் ஈடுபட்டவர்கள் வீதியின் குறுக்காக அமர்ந்து தங்கள் போராட்டத்தைத் தொடர்ந்து வருகின்றனர்.
Discussion about this post