அத்துமீறி மீன்பிடித்த 16 தமிழக மீனவர் கைது!!

இலங்கைக் கடற்பரப்பில் அத்துமீறி மீன்பிடித்த குற்றச்சாட்டில் தமிழக மீனவர்கள் 16 பேர் கைது இலங்கைக் கடற்படையினரால் செய்யப்பட்டுள்ளனர்.

நெடுந்தீவுக் கடற்பரப்பு மற்றும் இரணைதீவுக் கடற்பரப்பில் மீன்பிடித்துக் கொண்டிருந்தபோதே இவர்கள் கைது செய்யப்பட்டுள்ளனர்.

நெடுந்தீவுக்கு அருகே படகொன்றில் தமிழக மீனவர்கள் நால்வர் மீன்பிடியில் ஈடுபட்டிருந்தபோது, ரோந்து நடவடிக்கையில் ஈடுபட்டிருந்த இலங்கைக் கடற்படையினர் அவர்களைக் கைது செய்தனர்.

கைது செய்யப்பட்ட நால்வரும் மயிலிட்டித் துறைமுகத்துக்குக் கொண்டுவரப்பட்டுள்ள நிலையில், அவர்களை நீரியல் வளத்துறை அதிகாரிகளிடம் ஒப்படைக்க நடவடிக்கை எடுக்கப்பட்டுள்ளது என்று கடற்படையினர் தெரிவித்தனர்.

இதேவேளை, இரணைதீவுக்கு அருகே மீன்பிடியில் ஈடுபட்டிருந்த தமிழக மீனவர்கள் 12 பேர் கைது செய்யப்பட்டுள்ளனர்.

அவர்கள் முழங்காவில் கடற்படை முகாமுக்குக் கொண்டு செல்லப்பட்டுள்ள நிலையில், அவர்களை கடற்றொழில் நீரியல்வளத்துறை அதிகாரிகளிடம் ஒப்படைக்க நடவடிக்கை எடுக்கப்பட்டுள்ளது என்றும் தெரிவிக்கப்பட்டது.