சண்டிலிப்பாய் சந்திக்கு அருகில் நேற்றுமுன்தினம் நடந்த விபத்தில், இளைஞன் ஒருவர் படுகாயமடைந்தார்.
கட்டுப்பாடற்ற வேகத்தில் வந்த டிப்பர் வாகனம் மோட்டார் சைக்கிளில் பயணித்த இளைஞனை மோதித் தள்ளியது. விபத்தில் சிக்கிய இளைஞன் கால்கள் டிப்பர் வாகனத்துக்குள் சிக்கிச் சிதைவடைந்தன.
28 வயது இளைஞன் ஒருவரே விபத்தில் சிக்கியுள்ளார். மானிப்பாயில் இருந்து சண்டிலிப்பாய் நோக்கிப் பயணித்த இளைஞரை, சங்குவேலியில் இருந்து வந்த டிப்பர் வாகனம் மோதியுள்ளது.
சட்டவிரோதமாக மணல் ஏற்றி, அதிவேகமாகப் பயணித்த டிப்பரே விபத்தை ஏற்படுத்துள்ளது என்று பொதுமக்கள் குற்றஞ்சாட்டுகின்றனர்.
விபத்தை ஏற்படுத்திய டிப்பர் சாரதி சம்பவ இடத்திலிருந்து தப்பிச் சென்றுள்ளார். படுகாயமடைந்த இளைஞன் யாழ்ப்பாணம் போதனா மருத்துவமனையில் சேர்க்கப்பட்டுள்ளார்.
இந்த விபத்துச் சம்பவம் தொடர்பாக மானிப்பாய் பொலிஸார் விசாரணைகளை முன்னெடுத்து வருகின்றனர்.
Discussion about this post