கொழும்பு, முகத்துவாரம் மோதர உயன வீட்டுத் தொகுதியிலுள்ள வீடொன்றில் பாரிய அளவில் ஹெரோயின் பொதி செய்துகொண்டிருந்த ஆறு பெண்களை, 28 லட்ச ரூபா பெறுமதியான ஹெரோயினுடன் போதைவஸ்து ஒழிப்பு பிரிவு பொலிஸார் கைது செய்துள்ளனர்.
கைது செய்யப்படும்போது அங்கிருந்து ஆயிரம் ஹெரோயின் பக்கட்டுகள் தயார் நிலையில் இருந்துள்ளன என போதைவஸ்து ஒழிப்பு பிரிவினர் தெரிவித்துள்ளனர்.
இந்த வீட்டுத் தொகுதியின் 5 ஆவது மாடியில் உள்ள வீடொன்றில் ஹெரோயின் பொதி செய்வதாக போதை ஒழிப்பு பிரிவு பொலிசாருக்கு தகவல் கிடைத்ததையடுத்து இந்த சுற்றிவளைப்பு மேற்கொள்ளப்பட்டுள்ளது.
கைது செய்யப்பட்ட பெண்கள் 37 வயது முதல் 53 வயது வரையானவர்கள் என்றும் தெமட்டகொட, முகத்துவாரம், வெல்லம்பிட்டிய, கிராண்ட்பாஸ் ஆகிய பகுதிகளைச் சேர்ந்தவர்கள் எனவும் பொலிஸார் குறிப்பிட்டுள்ளனர்.
Discussion about this post